Ka marr fund arratia e një 38 vjeçari të shpallur në kërkim pasi ishte i dënuar me 1 muaj burg.
Në pranga ka rënë shtetasi me iniciale M.K, i cili është kapur në pikën kufitare të Muriqanit. Sipas njoftimit të policisë, 38 vjeçari ishte dënuar për veprën penale “Drejtim i automjetit në mënyrë të parregullt”.
“Shërbimet e PKK Muriqan, në hyrje të vendit, kanë ndaluar shtetasin M. K., 38 vjeç, banues në Laprakë, pasi nga verifikimet ka rezultuar se Gjykata Durrësit e ka dënuar me 1 muaj burgim, për veprën penale “Drejtim i automjetit në mënyrë të parregullt”. Veprimet e tjera procedurale do të kryhen nga DVP Durrës”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
