Një 61-vjeçar është proceduar penalisht nga Policia e Vaut të Dejës.
Blutë bëjnë me dije se procedimi ka nisur për shtetasin me iniciale, B.Z., banues në fshatin Barbullush në Vaun e Dejës, pasi ka ndezur një zjarr dhe është djegur toka me misër në pronësi të një shtetasi tjetër.
“Specialistët për Hetimin e Krimeve të Komisariatit të Policisë Vau i Dejes referuan materialet në Prokurori ku nisi procedimi në gjendje të lirë për shtetasin B. Z., 61 vjeç, pasi dyshohet se ka ndezur një zjarr në fshatin Barbullush, si pasojë e të cilit, është djegur një sipërfaqe toke e mbjellë me misër, në pronësi të një shtetasi tjetër. Materialet proceduriale i kanë kaluar Prokurorisë dhe ndaj 61-vjeçarit ka nisur procedimi në gjendje të lirë”,– njofton Policia.
