Një aksident automobilistik është regjistruar mesditën e kësaj të diele, rreth orës 13:20, në Leskovik.
Autoritetet policore bëjnë me dije se automjeti tip “Ford”, me drejtues shtetasin K. P., rreth 68 vjeç, banues në Çarçovë, Përmet, ka përplasur këmbësorin B. C., rreth 74 vjeç, banues në Leskovik.
I moshuari ka mbetur i plagosur dhe është dërguar me urgjencë në spitalin e Ersekës, ku ndodhet jashtë rrezikut për jetën.
Policia raporton se me drejtuesin e automjetit po kryhen veprimet e mëtejshme procedurale. Grupi hetimor po punon për përcaktimin e shkaqeve të aksidentit.
