Kreu i PL-së, Ilir Meta shprehet se deputetët e kësaj force politike do jenë gjithmonë në linjën e parë të ballafaqimit me regjimin në Parlament, pasi ata munguan në mbledhjen e 43 ligjvënësve opozitarë.
Ai theksoi se është e rëndësishme që deputetët e opozitës t’i përgjigjen sakrificave të atyre që i kanë votuar në zgjedhjet parlamentare të 2021-shit.
“Deputetët e PL kanë qenë gjithmonë në vijën e parë të ballafaqimit me regjimin në Parlament dhe kudo, është e rëndësishme që të 63 deputetët e opozitës ti përgjigjen sakrificave të atyre që i kanë votuar në zgjedhjet e 2021 dhe të ndalojnë çdo lloj komunikimi me këtë regjim që investimin më të madhe e ka bërë tek përçarja e opozitës”, tha Meta.
I pyetur se kush është sipas tij kreu i grupit të PD-së, Bardhi apo Basha, ai u përgjigj: “Në demokraci e dini mirë se është vota, shumica që tregojnë legjitimitetin kudo ku ka një diskutim, besoj i keni të qarta. Për mua e rëndësishme është unifikimi i opozitës.”
