Ditën e sotme pritet të ketë zhvillime në Partinë Demokratike, e cila aktulisht ndodhet e përçarë në disa grupime.
Deputeti Gazment Bardhi ka thirrur në një takim të gjithë deputetët opozitarë për të përcaktuar axhendën e opozitës për sesionin e ri parlamentar. Takimi pritet të mbahet në orën 12:00 në ambientet e një hoteli privat, teksa pjesa e parë do të jetë e hapur për mediat.
Kësaj thirrje i është përgjigjur pozitivisht grupimi i deputetëve të Sali Berishës, si edhe vetë ish-kryeministri konfirmoi se do të jetë i pranishëm. Po ashtu takimit do t’i bashkohen edhe aleatët që kanë dalë nga lista e aleancës PD-AN. Në mbledhje përflitet që do të marrin pjesë edhe deputetët e Partisë së Lirisë. Në takim pritet të marrin pjesë mbi 40 deputetë opozitarë.
Ndërkohë, takimin do ta bojkotojnë nga deputetët e Lulzim Bashës dhe ky i fundit. Ky i fundit në orën 11:00 ka thirrur një takim me Kolegjin e Kryetarëve të vulës. Ky është takimi i parë që Basha bën me Kolegjin që pasi u rizgjodh në krye të Partisë Demokratike.
