Policia e Tiranës ka vënë në pranga 12 shtetas, për vepra të ndryshme penale, mes tyre edhe një 37-vjeçar që shkaktoi një aksident me vdekje ditën e djeshme në Valias.
Specialistët për Hetimin e Krimeve të Komisariatit të Policisë Nr. 3 arrestuan shtetasit:
– L. Gj., 46 vjeç, banues në Tiranë, pasi ka ushtruar dhunë ndaj bashkëshortes së tij;
– A. B., 23 vjeç, banues në Tiranë, pasi gjatë kontrollit në automjetin që drejtonte, shërbimet e Policisë gjetën dhe sekuestruan kartëmonedha (në total 200 euro) të dyshuara të falsifikuara.
Specialistët për Hetimin e Krimeve të Komisariatit të Policisë Nr. 5 arrestuan shtetasin F. J., 27 vjeç, banues në Kamëz, pasi ka ushtruar dhunë ndaj babait të tij.
Specialistët e Qarkullimit Rrugor arrestuan shtetasit:
– R. B., 30 vjeç, banues në Laç, A. C., 32 vjeç, banues në Spanjë, I. K., 25 vjeç, S. R., 36 vjeç dhe V. K., 53 vjeç, banues në Tiranë, pasi u kapën duke drejtuar automjetet përkatëse, në gjendje të dehur;
– B. D., 54 vjeç, banues në Tiranë, pasi u kap duke drejtuar motomjetin, në gjendje të dehur;
– H. S. (B)., 37 vjeç, banues në Borizanë, pasi ditën e djeshme, në Valias, është përplasur me automjetin me drejtues shtetasin Sh. O. dhe si pasojë e aksidentit ka humbur jetën pasagjerja në automjetin drejtues shtetasin Sh. O., shtetasja F. O.;
– S. S., 18 vjeç, banues në Tiranë, pasi u kap duke drejtuar automjetin, pa leje drejtimi;
– E. H., 35 vjeç, banues në Tiranë, pasi duke drejtuar automjetin, në gjendje të dehur, është përplasur me një automjet tjetër, me pasoja vetëm dëme materiale.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjjthshëm Tiranë, për veprime të mëtejshme procedurale.
