Familjarët e 16-vjeçarit që humbi jetën në aksidentin me Jet-Ski në plazhin e Llamanit në Himarë kanë dalë në protestë këtë të dielë.
Kujtojmë se i mituri Klei Xhaja, u përplas me Jet-Ski në plazhin e Llamanit në Himarë disa ditë më parë dhe ndërroi jetë në Spitalin e Traumës, teksa nga dëshmia e të miturve të tjerë të përfshirë në ngjarje u konstatua se pronarët e Jet Skive u kanë bërë presion. Kjo pasi këta të fundit u kanë dorëzuar mjetin Jet Ski të miturve pa ju kërkuar mjet identifikimi dhe pa i pyetur për moshën.
Në protestën e mbajtur mesditën e kësaj të diele familjarët kërkuan zbardhjen e plotë të ngjarjes.
“Do të bëjmë vetëgjyqësi nëse ngjarja nuk zbardhet”, ka deklaruar babai i 16-vjeçarit.
