Një 22-vjeçar nga Kosova është arrestuar këtë të dielë në Muriqan pasi mbante lëndë narkotike në automjet.
Në pranga ka rënë shtetasi me inicialet K.H. Policia bën me dije se po ndiqet penalisht edhe shtetasi A. S., 21 vjeç, banues në Kosovë, pasi ndodhej në të njëjtin automjet me të arrestuarin.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
