Policia në Korçë ka arrestuar ditën e sotme një 32-vjeçar pasi iu gjet një sasi kokaine me vete.
Në pranga ka rënë shtetasi me iniciale, B.Q., banues në Korçë, në lagjen nr.4, i cili gjithashtu kundërshtoi me forcë punonjësit e Policisë për të mos kryer kontrollin fizik. Pas kontrollit punonjësit e Policisë i gjetën një sasi kokaine me vete, e cila u sekuestrua.
“-Specialistët për Hetimin e Narkotikëve të DVP Korçë arrestuan në flagrancë shtetasin B. Q., 32 vjeç, banues në Korçë pasi në lagjen nr. 4, Korçë, ka kundërshtuar me forcë punonjësit e Policisë, për të mos i kryer kontrollin fizik. Pas kontrollit fizik, atij iu gjet një sasi e vogël me lëndë të dyshuar narkotike kokainë, e cila u sekuestrua në cilësinë e provës materiale.”,– njofton Policia.
