Mbrojtësi francez Benjamin Pavard ka lënë Bayern Mynih dhe ka mbërritur në Milano, ku sot do të kryejë vizitat mjekësore para se të hedhë firmën në kontratën e re, që do ta lidhe me Inter.
Ndërkohë, në Mynih po punohet për të gjetur zëvendësuesin e tij dhe zgjidhja duhet të vijë brenda 1 shtatorit.
Sipas “Kicker”, tri janë emrat që pritet të zëvendësojnë Pavard, ndaj dhe klubi bavarez po punon fort për ta mbyllur këtë çështje sa më shpejt.
Në listë janë holandezi Lutsharel Geertruida i Feyenoord, gjermani Armel Bella-Kotchap i Southampton dhe anglezi Trevor Chalobah i Chelsea.
Trajneri Thomas Tuchel i ka kërkuar klubit që të insistojë më shumë për Chalobah, të cilin e njeh mirë, nga koha kur stërviste “blutë” e Londrës.
Edhe Bella-Kotchap është favorit për t’u rikthyer në Gjermani, duke qenë se këtë sezon luan në Championship.
