Komisioni Evropian ka komentuar propozimin e Presidentit të Këshillit Evropian, Charles Michel i cili deklaroi që viti 2030 të caktohet si afat deri kur vendet tashmë kandidate dhe Bashkimi Evropian të jenë të gatshme për zgjerim.
Në një konferencë për mediat në Bruksel këtë të martë, zëdhënësja e Komisionit Evropian, Dana Spinat tha se Komisioni Evropian nuk është i përqendruar në afate kohore në procesin e zgjerimit të Bashkimit Evropian.
Lidhur me këtë qëndrim të Komisionit Evropian ka reaguar kryeministri Edi Rama, i cili përmes një postimi në Twitter shprehet se edhe pse udhëtimi në destinacion mund të jetë i ngadaltë, autobus evropian është i sigurt.
Rama shfaqet i penduar për kritikat që lëshon herë pas here ndaj Bashkimit Europian, ndërsa tashmë e ka kuptuar që rruga e shqiptarëve drejt Europës është e ngadaltë por më e sigurt, krahasuar me aeroplanin rus.
“Po sigurisht, kjo është arsyeja pse autobusi nuk mund të bëhet kurrë aeroplan… Gjithsesi më besoni, në statusin aktual të punëve të qëndrosh në autobusin e BE-së edhe pa ndenjëse është më e sigurt se të ulesh në një aeroplan rus, sepse udhëtimi mund të jetë shumë i ngadaltë dhe destinacioni ynë shumë larg, por një gjë është e sigurt si vdekja: Ky autobus nuk do të përplaset kurrë”, shkruan Rama.
Yeah of course, that’s why the bus can never become a plane… Anyhow trust me, at the present status of affairs standing in the EU bus even without a seat is safer then sitting in a Russian plane, because the trip may be too slow and our destination too far, but one thing is sure…
— Edi Rama (@ediramaal) August 29, 2023
