Një aksident i rëndë ka ndodhur në Prishtinë, ku ka humbur jetën një 17-vjeçar.
Mediat vendase raportojnë se i mituri ka qënë duke udhëtuar me dy persona të tjerë, teksa shoferi i mjetit ka humbur kontrollin e për pasojë makina bashke më 3 udhëtarët ka rënë nga mbikalimi e ka përfunduar në rrugë.
Shef i repartit të Mjekimit Intensiv në Kosovë, Shaqir Uka, tha se 17-vjeçari nuk ia doli dot të mbijetonte, edhe pse u dërgua me urgjencë në spital.
“Tek ne ka qenë një 17-vjeçar. Fatkeqësisht nuk ka mundur t’ju bëjë ballë pasojave të lëndimeve. I njëjti ka ndërruar jetë”, tha Uka.
Ende nuk dihet arsyeja e aksidentit, por dyshohet se shoferi ka humbur kontrollin. Mediat e Kosovës kanë ndarë edhe video pas aksident, ku shihet mjeti që ka përfunduar në rrugë pasi ka rënë ka mbikalimi.
