Drama për familjen Manjani, të cilës iu vra me thikë natën e kaluar djali i saj Dritan Manjani, nuk ka fund. Mësohet se trupi i viktimës ndodhet ende në morgun e spitalit të Bulqizës.
Familjarët nuk kanë mundur ende ta tërheqin trupin e pajetë të 26-vjeçarit, pasi nuk i është kryer ende autopsia për shkak se mungon mjeku ligjor në spitalin e Bulqizës. Është nisur një mjek nga Tirana për të kryer autopsinë e trupit të viktimës.
“Prej orës 10 dhe deri tani, nuk ka pasur mjekë. Tani erdhi nga Tirana mjeku dhe do të bëhet autopsia. Ka mbi 1 vit që nuk ka mjek.”, – tha një qytetar për mediat.
Dritan Manjani u vra me kaçavidë nga 30-vjeçari Dorjan Dema. Ata ishin fqinj në fshatin Humesh, teksa vrasja është regjistruar në hyrje të fshatit Shupez. Autori dhe viktima kanë qenë në të njëjtin lokal deri në orët e vona të mbrëmjes.
Mësohet se autori Dorjan Dema ka qenë duke shkuar në shtëpinë e djalit të xhahit të Dritan Manjanit, për t’u konfliktuar fizikisht me këtë të fundit, ku dyshohet se sherri mes tyre kishte nisur për shkak të bullizimit. Ata ishin fqinj dhe bullizoheshin duke e thirrur njëri-tjetrin me nofka.
Dritan Manjani i ka dalë para Dorjan Demës për ta ndaluar, por janë konliktuar me njëri-tjetrin dhe 30-vjeçari e ka goditur disa herë me kaçavidë, duke e lënë të vdekur në vend dhe më pas është larguar.
