Një aksident automobilistik është regjistruar në orët e para të mëngjesit të sotëm, në aksin rrugor Peqin-Elbasan, në fshatin Papër.
Autoritetet policore bëjnë me dije se utomjeti që drejtohej nga shtetasi O. S., 26 vjeç, është përplasur me kamionçinën që drejtohej nga shtetasi Sh. P., 58 vjeç.
Si pasojë e aksidentit kanë mbetur të plagosur dy drejtuesit e automjeteve, shtetasja B. P., pasagjere në kamionçinë dhe shtetasi A. S., pasagjer në automjetin me drejtues shtetasin O. S.
Katër të plagosurit janë trasportuar për në spital dhe ndodhen në kujdesin e mjekëve. Grupi hetimor vijon punën për përcaktimin e rrethanave të aksidentit.
