Egnatia është duke fituar me rezultatin 0-1 në miqësoren e luksit përballë Interit, teksa është duke u luajtur minuta e 27 e takimit.
Ekipi nga Rrogozhina kaloi në avantazh vetëm pas 6 minutash lojë me sulmuesin kryesor të tyre Raphael Dwamena. Ishte një aksion fantastik i rrogozhinasve, ku pas një pasimi nga e djathta, Dwamena ishte i vetëm përballë portierit Sommer, duke e çuar topin në rrjetë.
Deri në këto momente Egnatia po bën një lojë mjaft të mirë në sfidën që po luhet në stadiumin e qytetit të Ferraras në Itali, teksa Interi është me më të mirët në fushë, duke qenë se fundjavën tjetër nis kampionati në Itali. Inzagi ka vendosur që të lërë në stol Kristjan Asllanin, edhe pse bëhet fjalë për një ndeshje ndaj bashkëkombasve të tij.
Formacionet zyrtare:
INTER (3-5-2): 1 Sommer; 36 Darmian, 6 De Vrij, 95 Staves; 2 Dumfries, 23 Barella, 20 Calhanoglu, 22 Mkhitaryan, 32 Dimarco; 10 Lautaro Martinez, 9 Thuram.
EGNATIA (3-5-2): 1 Sherri; 77 Lila, 13 Malota, 19 Xhemajli; 26 Mamolla, 16 Ndreca, 6 Aleksi, 17 Zejnullai, 11 Medeiros; 9 Paulauskas, 7 Dwamena
