Kandidati i opozitës për bashkinë Tiranë në zgjedhjet e 14 majit, Belind Këlliçi, ka reaguar lidhur me prishjen e parkut në qendër të Tiranës, dhe ndërtimin e një kulle rreth 185 metra të lartë.
Përmes një postimi në rrjete sociale, Këlliçi tregon se e ka denoncuar 10 muaj më parë ndërtimin e kësaj kulle, ndërsa shprehet se përgjegjësi për prishjen e parkut, Erion Veliaj duhet të përgjigjet para drejtësisë për grabitjen e hapsirave publike të qytetarëve.
Reagimi:
“10 muaj më parë kur denoncova shkatërrimin e lulishtes së fundit në Tiranë, shumëkush nuk e mori seriozisht.
Nga sot, zyrtarisht fëmijët dhe nënat e shumta që frekuentonin këtë lulishte, nuk do ta kenë më as ishullin e fundit të gjelbër brenda perimetrit urban të Tiranës.
Erion Veliaj ky armik i qytetit tonë, ky hajdut i taksave dhe hapësirave tona publike, shumë shpejt do duhet të dalë përpara drejtësisë.”
