Shpërthime dhe të shtëna armësh janë raportuar në orët e para të mëngjesit pranë portit më të madh rus në Detin e Zi. Autoritetet në portin e Novorossiysk, konfirmuan se pas kësaj ngjarjeje kanë shtuar forcat e sigurisë, ndërsa konfirmohet se 15 avionë pa pilot janë shkatërruar nga Moska.
Novorossiysk, një nga portet më të rëndësishme të Rusisë në Detin e Zi është zgjuar këtë mëngjes nga sulme dhe shpërthime të fuqishme.
Shpërthime u dëgjuan fillimisht gjatë natës në rajonin Feodosia të Krimesë së aneksuar nga Rusia, ku banorët e tensionuar thonë se kanë dëgjuar një zhurmë të ngjashme me zhurmën e një droni.
Sakaq, forcat e mbrojtjes ajrore ruse raportojnë se kanë rrëzuar 15 dronë që tentuan të sulmonin Krimenë dhe tre dronë të tjerë u neutralizuan nga pajisjet e luftës elektronike.
“Të gjitha objektet u rrëzuan. Të gjitha shërbimet janë duke punuar. Nuk ka të lënduar apo viktima” tha këshilltari i kreut të republikës Oleg Kryuchkov.
Lufta në Ukrainë vijon të mbetet shqetësuese, pavarësisht thirrjeve të ndërkombëtarëve që dy liderët, presidenti rus Vladimir Putin dhe Presidenti ukrainas të bisedojnë mes tyre dhe të arrijnë marrëveshjen e paqes. Së fundmi Ukraina ka zhvilluar sulme me dron në Moskë si kundërpërgjigje të sulmeve të njëpasnjëshme ruse.
