Dy shqiptarë të Kosovës janë konfliktuar fizikisht me njëri-tjetrin mbrëmjne e kësaj të enjte në Lezhës, ku për pasojë njëri prej tyre ka mbetur i plagosur me thikë në gjendje të rëndë. Ngjarja ka ndodhur rreth orës 21:00, në zonën e Kunes në Shëngjin.
Policia bën me dije se pas një konflikti të çastit, shtetasi kosovar Hazir Berisha 66 vjeç, ka plagosur me thikë shtetasin Selim Bllaca 59 vjeç, banues po në Kosovë. Ky i fundit ka marrë goditje me thikë në zemër dhe është transportuar me urgjencë në spitalin e Lezhës, dhe më pas drejt Traumës, për tju nënshtruar ndërhyrjes kirurgjikale.
Policia e Lezhës ka vënë në pranga menjëherë pas ngjarjes autorin 66-vjeçar, si dhe ka sekuestruar thikën e përdorur prej tij në krim
Vijojnë veprimet hetimore nga grupi hetimor për zbardhjen e plotë të rrethanave të ngjarjes dhe dokumentimin ligjor të saj.
