Ashtu siç ishte njoftuar, Lulzim Basha ka votuat në zyrat e degës nr. 8 në kryeqytet për t’u bërë sërish kryetar i Partisë Demokratike të vulës.
Pas votimit, Basha është prononcuar për mediat, duke e ciluar ditën e sotme si një ditë unike, edhe pse po mbahet një proces zgjedhor fars, i anuluar me vendim të Këshillit Kombëtar të PD-së. Basha shprehet i bindur se me rizgjidhjen e tij si kryetar do të fillojë ringritja e Partisë Demokratike, edhe pse gjatë gjithë viteve që e drejtoi ai e çoi në humbje të njëpasnjëshme.
I “fshehur” prej shumë kohësh duke qëndruar larg daljeve në media, edhe ditën e sotme ai është larguar edhe nuk ka pranuar pyetje nga gazetarët.
“Shpreh mirënjohjen për mijëra demokratike që iu janë drejtuar kutive të votimit në këtë ditë me domethënie të veçantë dhe për nga rrethanat unike për PD-në. Unike sepse jemi përballur me sfida si askush. Sepse ata mijëra demokratët që sot i drejtohen kutive të votimit janë përballuar sulme nga më të padenjat e më të pamerituarat, padrejtësi të mëdha.
Por ata vazhdojnë të qëndrojnë jo për veten e tyre, jo për fatet e tyre personale por për kauzat dhe vlerat që i bashkojnë në këtë familje politike në shërbim të shqiptarëve. Kjo dalje masive, që në mëngjes kam marrë mesazhe të pjesëmarrjes së demokratëve në këtë proces të sfiduar, të sprovuar por të vendosur që përmes votës së tyre sot të rinisin një ringritje të PD-së, jo vetëm për demokratët por me dhembshuri për çdo shqiptar, me shpresë tek Shqipëria e besim tek Zoti”, tha Basha.
