Nënkryetarja e Kuvendit të Shqipërisë, Ermonela Felaj së fundmi është akuzuar nga opozita se ka “uzurpuar” Prokurorinë e Tiranës por kjo nuk e shqetëson aspak deputeten socialiste që të relaksohet dhe të perfeksionojnë linjat e saj fizike në palestër.
Pavarësisht skandaleve të njëpasnjëshme qeveritare duke nisur nga Gjici, dhuna e Rrajave dhe duke përfunduar tek kërkesa e SPAK për arrestimin e ish-zv/kryeministrit Arben Ahmetajt, të gjitha këto problematika nuk e pengojnë aspak deputeten socialiste Ermonela Felaj t’i përkushtohet fizikut të saj duke tretur dhjamin në palestër.
Larg veshjes zyrtare, nën shoqërinë e bashkëshorit Bledar Valikaj, deputetja Ermonela Felaj pozon e buzqëqeshur nga palestra, për të treguar se gjithçka shkon “vaj” në vendin tonë dhe tashmë ka rëndësi vetëm bukuria e saj fizike, kurse qeveria Rama çdo ditë shkon nga skandali në skandal.
Kujtojmë që pak ditë më parë Alma Felaj e cila kaloi Vettingun është transferuar se fundmi nga KLP në organin e akuzës në kryeqytet. Aty si prokuror ushtron funksionin edhe bashkëshorti i Ermonela Felajt, Bledar Valikaj, dhe 3 familjarë të tjerë.
Ky emërim ka marrë kritika të ashpra edhe nga kreu i Partisë Demokratike, Sali Berisha i cili e pak ditë më parë e cilësoi si një rekord të zi, pasi Prokuroria do udhëhiqet nga 4 anëtarë me lidhje familjare të Felajt.
Katër familjarët e deputetes socialiste u transferuan në Prokurorinë e Tiranës brenda katër viteve të fundit. Në mars të vitit 2019, KLP vendosi të emërojë si prokuror në Tiranë përmes një procedure të diskutueshme bashkëshortin e deputetes, Bledar Valikajn, pa kaluar më parë procesin e vetingut. Në maj 2019, Prokuroria e Përgjithshme përzgjodhi pas një procedure konkurruese vëllanë e deputetes, Armando Felaj si oficer të policisë gjyqësore në Prokurorinë e Tiranës. Në mbledhjen plenare të datës 29 maj, u miratua projektakti për transaferimin e bashkëshortes së këtij të fundit, Alma Felaj nga Prokuroria e Durrësit në atë të Tiranës. Të hënën më 3 korrik u transferua nga Vlora edhe motra e deputetes socialiste, prokurorja Eranda Felaj.
