Vllaznia dhe Laçi zhvilluan një ndeshje miqësore ditën e sotme në stadiumin ‘Loro Boriçi’.
Një sfidë mes dy ekipeve të Superiores që të kujton kampionatin në këtë periudhë pushimesh të korrikut.
Fitues në këtë miqësore arritën të dilnin kurbinasit teksa mposhtën vendasit me rezultatin 2-3.
Pjesa e parë u mbyll në avantazhin minimal të shkodranëve me golin e Esat Malës, por Laçi do të kishte një mundësi të artë barazimi nga 11-metërshi 3 minuta më vonë të cilën e shpërdoruan duke gabuar.
Gabimi do të ndreqej menjëhrë në nisjen e pjesës së dytë, ku për pak sekonda kurbinasit shënuan golin e barazimit.
Epërsia e Laçit do të vinte në minutën e 82’ ndërsa goli i 3-të do të vinte pak minuta më vonë. Kur ndeshja bëhej gati të mbyllej, ishte Dodev ai që ngushtoi rezultatin duke shënuar për Vllazninë.
