Një 55-vjeçar është arrestuar nga Policia e Pogradecit, pasi akuzohet për ngacmim seksual. Në pranga është vënë shtetasi Arian Mema, pas dëshmisë së një 25 vjeçare me origjinë nga Trebinja e Mokrës.
Kjo e fundit, punonjëse në një subjekt privat, një ditë më parë është çuar pa ndjenja në spitalin e Pogradecit. Pas referimit të ngjarjes nga mjekët në polici, kjo e fundit ka nisur hetimet dhe ka marrë në pyetje vajzën pasi ajo ka marrë veten.
Nga deklarimet e vajzës rezultoi se ajo ishte ngacmuar seksualisht në vendin e saj të punës nga 55-vjeçari dhe për pasojë kishte humbur ndjenjat. E gjithë ngjarja kishte ndodhur teksa Mema ka qenë duke montuar dushe në subjektin ku vajza punonte si pastruese. Pas dëshmisë, policia ka vënë në pranga 55 vjeçarin.
Arian Mema është i njohur për policinë pasi për një ngjarje të tillë është akuzuar edhe në 2020, vit kur punonte si inspektor tatimesh në Drejtorinë e Tatimeve të Korçës. Pas arrestimit të atëhershëm ai u shkarkua nga puna dhe punonte në sektor privat me shitje dhe montim dushesh diellorë.
Tashmë pas 3 vitesh ai bie sërish në prangat e policisë sërish me të njëtën akuzë atë të ngacmimit seksual. Mësohet se ai është shoqëruar në paraburgimin e Korçës nga ku më pas do të njihet në vazhdim me masën e sigurisë nga gjykata.
