Nga Tritan Kalo
23.07.2023…..Rikujtesë në këtë verë përvëluese…..
1- Temperaturat e larta janë kërcënuese për shëndetin tonë nga “Goditja e diellit”, dehidrimi dhe rëndimi i sëmundjeve kronike. Mos ekspozimi në diell në orët pik 10:00-18:00, ndejtja në hije e në vënde të freskëta, ujë e lëngje jo alkoolike me shumicë, kapele, lyerja e lëkurës me kremra mbrojtës, mos nënvlerësimi i marrjes së medikamenteve, janë masa të thjeshta por shumë të dobishme….
2- Frekuentimi i mjediseve ujore si plazhet detare, liqenore, lumore apo pishinat, na ekspozojnë ndaj infeksioneve të shumtë të lëkurës të natyrave mikrobike, mykotike, irrituese, alergjike, etj. Jo vetmjekim pa u këshilluar më parë me një personel mjeksor. Jo rifrekuentim i këtyre mjediseve pa u shëruar plotësisht se shërbeni si përhapës të këtyre infeksioneve….
3- Fëmijët por jo rrallë edhe të rriturit kanë shfaqur këto kohë shpesh sëmundje virale mjaft kontagioze si Varicella dhe Sëmundja Duar, Gojë e Këmbë. Ndiqni këshillat mjeksore në mjekim sidomos në largimin nga mjediset kolektive për sa kohë këto shënja persistojnë në lëkurë, sepse shërbeni si faktor përhapës i tyre…..
4- Intoksikacionet ushqimore janë shumë të shpeshta sidomos kur kushtet e higjenës ushqimore në përgatitjen, ruajtjen dhe shërbimin e ushqimeve nuk zbatohen si duhet. Kujdes në frekuentimin e shitësve ambulatorë, të kruditeteve sidomos me produkte deti, në ushqyerjen tuaj në grumbullimet masive si dasmat apo vaki të ndryshme, KURRË mos ringrohni orizin e pa konsumuar që ka ndejtur mbi tre orë në mjedis (Dikur kam shkruar me shumë hollësi për rolin e Bacillus cereus në intoksikacionet e rënda ushqimore)…..
5- “Gripi i verës” apo “Ethja dy-tre ditore” është një dukuri e zakonshme beninje virale në këtë periudhë të vitit. Nuk ka ndërlikime apo forma të rënda të prekjes së saj. Po ashtu “Syndroma okulo-glandulare” adenovirale me skuqje rë syve dhe dalje të gjëndrave para ose pas Llapës së veshit, ndodh shpesh sidomos në frekuentuesit e pishinave. Adresohuni te mjeku për ndihmë dhe mos u vetmjekoni……
6- Kujdes ju të dashuruarit e ecjeve në mjediset me bar të lartë ku më parë kanë kullotur bagëtija, ose ecjet në mjediset shkurrore a pyjore dushkore. Riqnat mundet tju pickojnë, dhe ato bartin shumë sëmundje jetëlënduese. Kontrolloni trupin e teshat me kujdes kur riktheheni në shtëpi. Në rast pickimi nga riqnat mos i hiqni ato pjesërisht duke lënë brënda kompleksin e kokës infektuese. Adresohuni te personeli mjeksor më i afërt….
7- Dezinsektimi i munguar i zonave bregdetare dhe urbane sjell për pasojë edhe pickimet e shumta irrituese nga insektet e shumta sidomos të mushkonjave, të cilat jo rrallë edhe infektohen…..Verë të gëzuar e të lumtur POR edhe kujdes maksimal për shëndetin tuaj….Together forever!!!
