Gjykata e Lartë mëngjesin e së enjtes është përfshirë nga flakët.
Siç mund të shihni në pamjet e siguruara nga “Boldnews.al”, tymi ka përfshirë godinën e institucionit të lartë të drejtësisë e cila ndodhet në fillim të hyrjes së rrugës ‘Myslym Shyri’ në kryeqytet.
Menjëherë të gjithë punonjësit kanë dalë nga godina e cila është pushtuar nga tymi, ndërsa në zonë është parë prania edhe e ambulancës. Deri në këto momente nuk raportohet për persona të lënduar.
Sipas burimeve në vendngjarje dyshohet se zjarri ka rënë në lokalin e Gjykatës që ndodhet në katin e fundit të godinës. Dyshohet se flakët janë shkaktuar si pasoje e një shkëndije elektrike në ekspresin e kafes.
Policia dhe zjarrfikësit kanë mbërritur në vendngjarje.
- Çfarë nofton policia për zjarrin
“Më datë 20.07.2023, rreth orës 08:05, në kryqëzimin e rrugës “Myslym Shyri” me rrugën “Ibrahim Rrugova”, në një lokal në tarracën e katit të katërt të Gjykatës së Lartë, ka rënë zjarr.
Në vendngjarje ndodhen shërbimet e Policisë dhe ato të zjarrfikëses, të cilat po punojnë për fikjen e zjarrit.
Grupi hetimor po punon për sqarimin e rrethanave të ngjarjes.”, thuhet në njoftimin e policisë.
- Gjykata e Lartë në flakë, pamjet të publikuara nga Boldnews.al
