Sadio Mane ka marrë trajtën e “tepricës” te kampionët e Bajernit dhe prononcimi i fundit prej trajnerin Tomas Tuhel duket se i vuri kapak së ardhmes së 31-vjeçarit, largimin.
Al-Nasr pas zhbllokimit në tregun e transferimeve janë vënë në lëvizje për të siguruar futbollistin me numër “17” në tempullin e rekordmenëve gjermanë. Nga mediat arabe, konkretisht “Aawsat News” theksohet se brenda 24 orëve të ardhshme do të jetë oferta zyrtare në tavolinën e bordit të Bajernit.
Në bazë të insistimit prej palës arabe, Hënes e ka rritur sërish “pjacën” e pretendimeve për ta lënë të lirë senegalezin, e përkthyer në 30 milionë euro, ndryshe nga sa u tha gjatë javës së shkuar, deri në 20 milionë euro.
Përfaqësuesit e klubit ku inkuadrohet Kristiano Ronaldo e kanë hapur serinë e negociatave dhe pritet që së shpejti të ketë raportime zyrtare. 32 milionë euro shpenzuan bavarezët në sigurimin e Manesë prej Liverpulit, ndonëse nuk ia ktheu për asnjë moment besimin drejtuesve.
