Ditën e hënë, më 17 korrik, kryeministri Edi Rama mësohet se do të presë në Tiranë liderët e rajonit dhe përfaqësues të Bashkimit Europian. Ky takim vjen në përgatitje të Samitit për procesit të Berlinit që do të mbahet më 16 Tetor në Tiranë.
Burime për mediat bëjnë me dije se në takimin e të hënës ka refuzuar ftesën për të qenë i pranishëm kryeministri i Kosovës, Albin Kurti. Po ashtu, mësohet se kanë konfirmuar pjesëmarrjen liderët e rajonit, si dhe komisioneri për Zgjerimin e Bashkimit Evropian për Zgjerim dhe Fqinjësi, Oliver Varhelyi por edhe përfaqësues të tjerë.
Ky takim ishte paralajmëruar nga Rama në turin Ballkanik të zhvilluar pak ditë më parë, ndërsa në Samitin e NATO-n në Lituani Rama konfirmoi edhe një vizitë të Presidentit francez Emanuel Macron.
