Gjykata e Posaçme ka rrëzuar këtë të mërkurë kërkesën e Ramazan Rrajës, për masë më të lehtë sigurie. Ky i fundit deklaroi se kishte probleme shëndetësore, por togat e zeza e kanë refuzuar kërkesën duke lënë në fuqi kështu masën “Arrest me burg”.
Rraja akuzohet për sigurim kushtesh për të kryer vrasje dhe armëmbajtje pa leje. Ai u vu në pranga më 19 Prill, me akuzën e pjesëmarrjes në atentatin e vitit 2019-të ndaj Aleksandër Lahos, ish-prokurorit Arian Ndoja dhe shoferit të tyre Andi Maloku. Ky i fundit mbeti i vrarë.
Ramazan Rraja është djali i Xhelal Rrajës. Ky i fundit është shpallur në kërkim për dhunën e ushtruar ndaj dy kushërinjve Maja një javë më parë në Borizanë dhe po ashtu është personi që shfaqet në pamje filmike me armë në dorë.
