Një aksident i rëndë ka ndodhur mbrëmjen e kësaj të hëne, në fshatin Dëshiran, Belsh.
Mësohet se një 74 vjeçar, duke drejtuar një mjet bujqësor ‘Zetor’, ka humbur kontrollin e mjeti është përmbysur. I moshuari ka marrë plagë të rënda e si pasojë ka humbur jetën në vend.
“Rreth orës 19:15, në rrugë rurale, në fshatin Dëshiran, Belsh, shtetasi R. Q., 74 vjeç, duke drejtuar mjetin bujqësor ‘Zetor’, dyshohet se ka humbur kontrollin mbi drejtimin e mjetit dhe për pasojë mjeti është përmbysur.
Drejtuesi i mjetit shtetasi R. Q., ka ndërruar jetë në vendngjarje”,– njofton Policia.
Grupi hetimor po punon për zbardhjen e plotë të rrethanave të ngjarjes.
