Tirana do të përballet me Dinamo Batumi në raundin e parë kualifikues të Conference League, më 13 korrik në orën 20:00 në stadiumin ‘Air Albania’.
Bardheblutë kanë objektiv kryesor kalimin e këtij turi dhe duan me çdo kusht fitoren ndaj gjeorgjianëve në ndeshjen e parë përpara tifozëve të tyre.
‘Tirona Fanatics’ ka bërë gati të gjitha përgatitjet dhe në rrjete sociale lëshon thirrjet e fundit ku u bën ftesë dashamirësve të skuadrës që të vijnë në stadium e të mbështesin ngjyrat e tyre të zemrës.
“JAVA E NDESHJES! Te enjten lu TIRONA! Fanatics nisen nga qendra e Kryeqytetit ne 18:30! Tirona ka nevoje per ne… Shkojme bashke, masivisht per te kenduar e festuar pertej 90′. Merr shokun, birrat, lidh shallin e takohemi ne qender te kryeqytetit per kortezhin e pare te ketij sezoni! Te enjten nuk ka pune, shkolle e as plazh! Te enjten lu TIRONA e te gjitha rruget te cojne ne stadium! Per Kryeqytetin!”– shkruan tifogrupi.
