Nga pamjet e publikuara, nga dhuna brutale e fisit Rraja ndaj vëllezërve Bilbil dhe Jashar Maja, shihen mbi 10 persona të cilët fyejnë dhe godasin pa pushim me dru bejsbolli dhe shqelma dy “shënjestrat”.
Por, Policia njoftoi sot se arrestoi vetëm 4 persona dhe 3 të tjerë i shpalli në kërkim, mes të cilëve dhe Xhelal dhe Flamur Rraja, dy vëllezërit e deputetit socialist, Rrahman Rraja. Madje, Xhelal Rraja u shoqërua ditën e djeshme në komisariat, u mor në pyetje dhe u la sërish i lirë, ndësa sot u shpall në kërkim.
Por, edhe dhunuesit e tjerë, për banorët e zonës dhe ata që i njohin janë lehtësisht të identifikueshëm, por siç duket jo për Policinë. Mediat raportojnë se një prej dhunuesve është dhe Rexhep Rraja, djali i deputetit të PS-së Rrahman Rraja. Ai shihet në video i veshur me bluzë të zezë dhe me sende të forta në duar, por emri i tij, tek njoftimet e Policisë nuk përmendet askund.
Kujtojmë që derimë tani janë të arrestuar Ineidi Rraja, Eni Kullaj, Kujtim Përdaku, Andi Rraja. Vëllezërit Maja u rrahën brutalisht vetëm se u ankuan dhe kanë denoncuar në polici për tronditjet që u japin shpërthimet dhe dëme në banesa nga një gurore në pronësi të Rrajave.
