Kryeministri Edi Rama ka përgënjeshtruar deklaratën e kryeparlamentarit të Kosovës, Gluk Konjufca, i cili tha se folën për draft-asociacionin dhe se sipas tij nuk është në interes të Kosovës. Rama tha se nuk e di për çfarë ka folur Konjufca, pasi nuk ata as nuk e kanë lexuar draftin. Madje me ironi tha se nga e dinë ata se çfarë përmban asociacioni, apo lexojnë filxhanin.
“S’e di për çfarë e ka fjalën Glauku se ne s’kemi folur fare për asociacionin. Këta s’e kanë lexuar, nga e dinë këta, apo më shohin mua në portret dhe më shikojnë filxhanin. Nuk është konsultuar, s’kam bërë studion ligjore të qeverisë së Kosovës. Ka ekspertët e vet dhe duhet ta kishte bërë me kohë dhe duhej t’i rrinte te dera partnerëve e t’u thonte mendoj kështu, kështu. Nuk e kanë lexuar, apo më shohin mua në portet dhe më lexojnë si filxhan. Është përgatitur nga ekspertë të nivelit më të lartë. Ia kam dërguar, Scolzh, Michel dhe Macron. Nuk është dashur fare të konsultohet, është draft për një marrëveshje mes dy palësh”, tha Rama.
Kryetari i Kuvendit të Kosovës, Glauk Konjufca, pas takimit me kryeministrin e Shqipërisë, Edi Rama, i pyetur për propozimin e këtij të fundit për Asociacionin, tha se elemente të tij përmbajnë autonomi territoriale për serbët në Kosovë.
“Ai ka ndarë elemente të Asociacionit, mirëpo ai pretendon që është në përputhje me Kushtetutën e Kosovës, mirëpo mua më është dukur se në elemente të caktuara të propozimit të zotëri Rama përmbajnë autonomi territoriale për serbët e Kosovës. Kjo është në kundërshtim me interesin e kombit shqiptar dhe popullit të Kosovës”, deklaroi Konjufca.
“Republika e Shqipërisë ishte zyrtarisht në anën e opsionit të shkëmbimit territorial me Serbinë dhe mendoj se kjo e ka dëmtuar Republikën e Kosovës. Mendoj se e ka dëmtuar Kosovën edhe ideja e Ballkanit të Hapur, sepse ky është dallim nga ajo që ka nevojë Kosova. Dhe tani është edhe e treta ku ne jemi në të drejtën tonë dhe nuk po na kupton Republika e Shqipërisë. Mendoj se me këto pozicione Kosova mund vetëm të dëmtohet”, theksoi ndër të tjera kryetari i Kuvendit.
