Pas prezantimit zyrtar të mërkurën të Luis Enrique si trajner i Paris Saint-Germain-it, kampionët e Francës kanë nisur të njoftojnë edhe transferimet në skuadër për sezonin e ri.
Kështu, PSG zyrtarizoi transferimin e mbrojtësit sllovak, Milan Skriniar, herën e fundit te Interi, mesditën e së enjtes. “Skriniar ka nënshkruar një kontratë pesëvjeçare”, kanë deklaruar kampionët e Ligue 1.
Para fillimit të sezonit të ri, PSG ka përfunduar tashmë gjashtë transferta, për të cilat do të paguajë në total 127 milionë euro, siç njoftoi gazetari Fabrizio Romano.
Lucas Hernandez (Bayern Munich, 45 milionë euro), Manuel Ugarte (Sporting Lisbonë, 60 milionë euro), Kang-in Lee (RCD Mallorca, 22 milionë euro), Marco Asensio, Milan Skriniar dhe Cher Ndour (pa kontratë) do të luajnë me Paris SG nga sezoni i ardhshëm.
