Një 34-vjeçar është arrestuar ditën e sotme nga Policia pasi është konstatuar me armë në brez brenda një lokali.
Blutë bëjnë me dije se në pranga ka rënë shtetasi Bojken Suli nga Kuçova, i cli qëndronte i armatosur me pistoletë në një lokal në Sukth.
“Shërbimet operacionale dhe ato të Forcës së Posacme “Shqiponja” të Drejtorisë Vendore të Policisë Durrës, kanë organizuar dhe finalizuar operacionin policor të koduar “Klienti”, në kuadër të të cilit u godit një rast i mbajtjes pa leje të armëve të zjarrit.
Për këtë rast u arrestua shtetasi B. S., 34 vjeç, banues në Kuçovë.
34-vjeçari u kap në flagrancë, në një lokal në lagjen “Perimore”, Sukth, teksa mbante me vete një armë zjarri pistoletë, e cila iu sekuestrua në cilësinë e provës materiale”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë, të Juridiksionit të Përgjithshëm Durrës, për veprime të mëtejshme.
