Një e re është gjetur e pajetë në një pallat në ndërtim në Tiranë mesditën e sotme. Dyshimet parapake të policisë janë se ajo ka humbur jetën si pasoje një mbidoze droge.
“Rreth orës 12:15, në afërsi të shkollës “Bajram Curri”, në ambientet e një pallati të pabanuar, është gjetur pa shenja jete shtetasja G. H., 31 vjeçe”, njoftoi policia.
Paraprakisht dyshohet se ka ndërruar jetë nga mbidoza e lëndëve narkotike, shtuan të njëjtat burime.
Një hetim ka nisur për sqarimin e rrethanave të ngjarjes.
