Gjykata e Posaçme ka rrëzuar këtë të Hënë, kërkesën e Fredi Belerit për të marrë pjesë në betimin si kryebashkiak i Himarës, që do të organizohej ditën e nesërme.
Lidhur me këtë ka reaguar edhe gazeta greke ‘Ekathimerini’ e cila shkruan se tani kontrollin e Bashkisë së Himarës do e marrë Edi Rama.
“Sipas legjislacionit shqiptar, një nënkryetar bashkie, i emëruar nga Këshilli i Ministrave i kontrolluar nga Partia Socialiste në pushtet, do të marrë detyrën.
Kjo do të thotë se ai do të jetë mbështetës i kryeministrit shqiptar, Edi Rama, i cili do të drejtojë Bashkinë e Himarës deri në një njoftim të dytë,” shkruan gazeta ndër të tjera..
Refuzimi i kërkesës për lirimin e Belerit është komentuar edhe nga Ministria e Jashtme greke. Sipas saj, refuzimi pengon drejtpërdrejt betimin e tij dhe ngre shqetësime të thella në lidhje me objektivat real pas hetimit ndaj tij.
