Tirana ka vazhduar përgatitjet për Europën në Ohër. Me skuadrën janë bashkuar lojtarët e merkatos, Albi Doka dhe Gledi Mici.
Ata kanë nisur stërvitjen nën urdhrat e Shehit. Nga ana tjetër, skuadra ende nuk ka bashkuar të gjithë lojtarët. Kristal Abazaj dhe lojtarë të tjerë do të bashkohen së shpejti me ekipin e parë. Po kështu, deri të shtunën do të jenë edhe disa lojtarë të tjerë që plotësojnë grupin bardheblu.
Tirana do të luajë me Batumin, por sfida e parë do të luhet në Shqipëri. Bardheblutë do të jenë pritës në ndeshjen e parë ndaj Batumit.
Sfida e parë do të luhet në 13 korrik në Shqipëri, me shumë mundësi në “Air Albania” apo edhe në Elbasan, ndërsa sfida e dytë do të luhet në transfertë ndaj Bitumit më 20 korrik. Dy sezonet e fundit në Europë, Tirana gjithmonë e ka nisur aventurën europiane me ndeshje në transfertë.
