Deputeti i PD-së, Dashnor Sula ka komentuar ditën e sotme zhvillimet e fundit brenda Partisë Demokratike.
Një një dalje për mediat jashtë ambjenteve të Kuvendit, Sula akuzoi ish kryetarin e komanduar, Enklejd Alibeaj se ishte orkestruesi i rikthimit të Lulzim Bashës. Madje shtoi se qëllimi kryesor i dyshes Alibeaj-Basha është të mbajnë karriget e jo të fitojnë në zgjedhje.
“E vërteta është kjo, që PD po shkon drejt greminës. Atë që bëri Berisha, po e bën tani Basha, do të mbajë peng PD. Gjej rastin t’i bëj thirrje të gjithëve që janë në këtë marri, që duhet të kuptojnë një gjë. Alibeaj ishte njeriu i cili orekstrimi i këtij plani, ose zbatuesi i këtij plani. Unë gjithnjë i thosha që të dilte më shpesh në media dhe asnjëherë nuk përqafohej ky arsyetim.
Një ditë të bukur pas 14 majit, me shpirt me xhudën e tyre për ta kryer sa më shpejt këtë punë. Paska qenë skenar dhe më vjen shumë keq. Kam besuar që do e kishin aq dhembshuri. Basha i ka dhënë shumë PD-së, edhe t’ja bësh këtë demokratëve tani vetëm për të mbijetuar, se për të fituar s’fiton dot. Është një opozitë lesh e li, s’ke ca të fitosh. Thjesht duan të rrinë në politikë. Po të ishim për t’u lëpirë, mund të shkonim tek Berisha, apo dhe te Basha… por ne nuk duam këtë. Vetëm kjo është rruga,”-tha Sula.
