Kryetarja e grupit parlamentar të LVV-së, Mimoza Kusari-Lila i është përgjigjur kryeministrit Edi Rama, i cili kërkoi nga homologu i tij i Kosovës Albin Kurti që të dalë nga “gucaka e izolimit”.
Në një postim që ka bërë në rrjetet sociale, Kusari-Lila i ka kërkuar Ramës që të mbyllë ‘Ballkanin e Hapur’, një nismë që sipas saj, izolon Kosovën.
“I dashur kryeministër Edi Rama është kohë vere dhe akulli mund të shkrihet shpejt. Më mirë mbylleni “Ballkanin e hapur” dhe do shihni si do të ngrihen fqinjët verior nga fryma e jugut. Kidnapimi & mbajtja e policëve është arsyeja e kahmotshme pse kufinjtë e hapur me këtë Serbi nuk bëjnë” – shkruan Kusari.
Kujtojmë që Edi Rama ditën e djeshme “kërcënoi” presidentin Aleksandër Vuçiç se nëse nuk liron brenda javës 3 policët e rrëmbyer në Kosovë, atëherë Shqipëria do të vedosë marrëdhënie të “akullta” me Serbinë.
