Një krim i rëndë ka tronditur Tuqinë ku një 25-vjeçar, i identifikuar si Mersan Koce, ka vrarë në mes të rrugës ish-bashkëshorten dhe babain e saj. Vrasja është regjistrua nga kamera e një celulari.
Në video shihet se 25-vjeçari ka ndalur makinën e tij para mjetit që drejtohej nga ish-bashkëshortja e tij, Bilge Kaya, dhe përleshet me babain e saj, i cili përpiqej t’i marrë kallashnikovin që po mbante në duart e tij.
Gjatë zënkës, 25-vjeçari shihet duke qëlluar drejt makinës në të cilën ndodhej ish-bashkëshortja e tij dhe sekonda më pas qëllon ish-vjehrrin duke e lënë atë pa ndjenja në mes të rrugës.
25-vjeçari më pas shkon drejt makinës dhe qëllon sërish ish-gruan e tij. Sipas mediave turke, vrasja ka ndodhur menjëherë pas vendimit të gjykatës ku i dha kujdestarinë e fëmijës 4 muajsh nënës.
Babë e bijë dhanë frymën e fundit në spital ku u dërguan të plagosur rëndë, ndërsa 25-vjeçari u largua nga vendi i vrasjes. Më pas policia turke, arrestoi 25-vjeçarin, i cili akuzohet për dy vrasje.
Mediat turke postuan publikuan edhe foto të vrasësit 25-vjeçar duke pozuar me një armë që mund të ketë qenë ajo që ka përdorur në vrasjen e dyfishtë.
