Për herë të parë në historinë e Aleancës më të madhe Politike dhe Ushtarake, NATO do të ketë himnin e saj zyrtar. Himni është miratuar në ditët e para të 2018-ës.
Himni është krijuar në vitin 1989, në 40 vjetorin e krijimit të Aleancës, ndërsa është shkruar nga kapiteni Andre Reichling, dirigjent i Bandës Ushtarake të Luksemburgut.
Himni është luajtur në shumë ngjarje të NATO-s, duke përfshirë edhe takimin më të fundit të Kryetarëve të Shteteve dhe Qeverive Aleate në maj 2017.
”Himni i NATO-s” i miratuar nga Këshilli i Atlantikut të Veriut nuk ka tekst dhe ai ekzekutohet nga 20 instrumente muzikorë.
