Flamurtari duket se e ka marr seriozisht merkaton e verës dhe ditën e sotme ka prezantuar një tjetër futbollist nga Superiorja.
Kuqezinjtë kanë arritur marrëveshje me sulmuesin Elvi Berisha i cili sezonin e fundit ishte pjesë e Tiranës.
Sulmuesi 24-vjeçar është prezantuar zyrtarisht me fanellën e Flamurtarit, duke përforcuar në këtë mënyrë repartin e sulmit.
Sezonin e fundit, Berisha nuk kishte hapësirë të mjaftueshme me Tiranën, pasi Hasani dhe Patrik në fillim po kalonin një formë të mirë. Në javët e fundit, Berisha mori një vend titullari.
Në të shkuarën, sulmuesi ka mbajtur veshur edhe fanellën e Skënderbeut në Superiore, ndërkohë që ka luajtur edhe me skuadra si Laçi apo Leganes në kampionatin spanjoll.
Për skuadrën e Emiljano Çelës, ky ishte një tjetër afrim nga Superiorja në javën e fundit pasi vetëm pak ditë më parë u prezantua mbrojtësi Antonio Ilieski nga Kukësi apo edhe Silvio Zogaj nga Kastrioti.
