Një 25-vjeçar është transportuar për mjekim në spitalin e Korçës, pas një aksidenti në unazën e qytetit të Bilishtit.
Automjeti tip “Benz” me drejtues E. Sh., rreth 29 vjeç, është përplasur me motorin tip “Dayang”, me drejtues R. K., 25 vjeç.
“Më datë 10.06.2023, rreth orës 20:50, në unazën e qytetit të Bilishtit, automjeti tip “Benz” me drejtues shtetasin E. Sh., rreth 29 vjeç, është përplasur me motomjetin tip “Dayang”, me drejtues shtetasin R. K., 25 vjeç, i cili për pasojë ka marrë dëmtime dhe u transportua për mjekim në spitalin e Korçës.
Drejtuesi i automjetit E. Sh., është shoqëruar për veprime të mëtejshme procedurale.“- njofton policia.
Grupi hetimor po punon për përcaktimin e shkakut të aksidentit.
