Një aksident i rëndë ka ndodhur në vendin e quajtur “Qafa e Koshovicës” në Fier, ku një automjet është përplasur me një motor policie.
Për pasojë, punonjësi i rrugores Kledis Prishka është lënduar dhe është dërguar në spital.
Ndërkohë, pas aksidentit është bërë shoqërimi i drejtuesit e automjetit në komisariat. Roland Sema po merret në pyetje në lidhje me ngjarjen, ndërsa kanë nisur hetimet për zbardhjen e plotë të shkaqeve të aksidentit.
“Rreth orës 11:00, në vendin e quajtur ‘Qafa e Koshovicës’, automjeti tip ‘Ford’ me drejtues shtetasin R.S. është përplasur me motomjetin e policisë, me drejtues shtetasin K.P. (punonjës i policisë rrugore të DVP Fier) dhe për pasojë është dëmtuar shtetasi K.P., i cili ndodhet në spital, në kujdesin e mjekëve. Grupi hetimor po punon për përcaktimin e shkakut të aksidentit”, njofton policia.
