Elton Marini nuk është më drejtori sportiv i Partizanit.
Zërat e ditës së djeshme u konfirmuan sot nga klubi i kuq duke zyrtarizuar ndërprerjen e bashkëpunimit mes palëve.
Marini u emërua si drejtor i Partizanit verën e shkuar dhe arriti të fitonte titullin kampion me të kuqtë teksa largohet para se skuadra të nisë përgatitjet për Kupat e Europës.
Tashmë, mbetet të shihet se kush do të marrë postin e drejtorit sportiv te të kuqtë
NJOFTIMI I KLUBIT
“FK Partizani njofton mbylljen konsensuale të bashkëpunimit me Drejtorin Sportiv, Elton Marini. Partizani falënderon Marinin për gjithçka ka dhënë për klubin e kuq në një vit të suksesshëm ku Partizani u shpall Kampion i Shqipërisë. Bashkëpunimi i Partizanit me Marinin do të vazhdojë në forma të tjera.”
