Interi ka mbyllur sezonin e Serie A me fitore. Zikaltërit triumfuan 0-1 ndaj Torinos, në transfertë. Me këto 3 pikë, ekipi i Inzaghit shkon në kuotën e 72 pikëve, në vendin e dytë.
Goli i vetëm i sfidës i takon Marcelo Brozovic, i cili realizoi në pjesën e parë falë një goditje kirurgjikale me të majtën. Ekipi i Juric pati shanset e veta në pjesën e dytë, por pa mundur dot të konkretizojë.
Asnjë minutë për Kristjan Asllanin, me lojtarin shqiptar që nuk u preferua sot. Torino përfundon edicionin në vendin e nëntë me 53 pikë.
