Komisioni Qendror i Zgjedhjeve u ka dhënë mandatin kryetarëve të zgjedhur për bashkinë e Lezhës, Tiranës, Durrësit, Korçës, Vlorës dhe Krujës.
Mandati i është dhënë kryetarit të Bashkisë së Tiranës, Erion Veliaj, Emirjano Sakos në Bashkinë e Durrësit, Pjerin Ndreut në Lezhë, Sotiraq Filos në Korçë, Ermal Dredha në Vlorë dhe Artur Bushit në Krujë.
Në mbledhjen e sotme KQZ shpërndau mandatet edhe për këshillat bashkiakë në Durrës, Krujë, Pukë, Përmet Gjirokastër, Memaliaj e Dibër.
Në zgjedhjet vendore të 14 Majit, Partia Socialiste arriti të fitonte 53 bashki, koalicioni “Bashkë Fitojmë” fitoi në 7 bashki, ndërsa një bashki u fitua nga Minoriteti Etnik Grek për të Ardhmen.
