Një grabitje ka ndodhur pas mesnatës në Lushnje.
Burime zyrtare nga policia lokale bënë me dije se rreth orës 00:30, A. Gj., 37 vjeç, banues në fshatin Fier i Ri-Lushnjë, ka njoftuar Policinë se shtetas ende të paidentifikuar i kishin hyrë në banesë dhe nën kërcënimin e armës i kishin marrë një shumë parash dhe ishin larguar.
Pas lajmërimit, efektivët kanë shkuar në vendngjarje kanë rrethuar zonën dhe vijojnë krehjen e saj me qëllim kapjen e autorëve.
Janë shoqëruar disa persona dhe vijon shoqërimi i shtetasve të tjerë të dyshuar për këtë ngjarje.
Grupi hetimor, në bashkëpunim me Prokurorinë, vijon punën për zbardhjen e rrethanave të ngjarjes dhe fiksimin e çdo prove materiale që do të çojë në identifikimin dhe kapjen e autorëve, mbyllet njoftimi i bluve.
