Një aksident i rëndë ka ndodhur në aksin Korçë-Bilisht, pranë fshatit Cangonj.
Një automjet tip “Benz” është përplasur “kokë më kokë” me një mjet tjetër tip “Ford”, çka ka sjellë përmbysjen e këtij të fundit në anë të rrugës.
Raportohet se ka ndërruar jetë një prej shtatë të plagosurve të aksidentit të ndodhur pasditen e kësaj të hëne në aksin Korçë-Bilisht, ka ndërruar jetë. Mësohet se viktima është Miranda Malolli. Ndërkohë që ka edhe dëme të shumta materiale pasi përplasja ka qenë shumë e fortë.
Mjeti Volkswagen shkonte drejt Bilishtit, ku udhëtonte dhe e ndjera Miranda Malolli, të cilët ishin duke u kthyer në shtëpi. Sakaq, mjeti “Benz” ka qenë duke shkuar drejt Korçës. Deri më tani, sipas informacioneve ka qenë mjeti tip “Benz”, shkaktar i aksidentit, pasi ka bërë një parakalim të gabuar.
Disa prej të plagosurve që janë në gjendje të rëndë pritet të transportohen drejt spitalit të Traumës në Tiranës. Grupi hetimor po kryhen veprimet procedurale dhe po punon për përcaktimin e shkaqeve të aksidentit, ndërkohë që paraprakisht mendohet se shpejtësia dhe lagështia në rrugë mund të ketë qenë arsyeja kryesore.
- Njoftimi i policisë:
Informacion shtesë në lidhje me aksidentin e ndodhur pasditen e sotme, pranë fshatit Cangonj.
Në vijim të informacionit paraprak, që bën fjalë për aksidentin e ndodhur në aksin rrugor “Korçë-Kapshticë”, pranë fshatit Cangonj, ju informojmë se është përplasur automjeti tip “Ford” me drejtues shtetasin E. M., me automjetin tip “Benz” me drejtues shtetasin A. Sh.
Për pasojë ka ndërruar jetë pasagjerja që lëvizte me automjetin tip “Ford”, shtetasja M. M., rreth 50 vjeçe, banuese në fshatin Eçmenik, Devoll dhe janë plagosur 7 shtetas, konkretisht dy drejtuesit e automjeteve shtetasit E. M. dhe A. Sh., dhe 5 pasagjere të automjetit tip “Ford”, të cilët u transportuan për mjekim në spitalin e Korçës.
Grupi hetimor po kryen veprimet e mëtejshme për sqarimin e rrethanave të aksidentit.
- Pamjet nga vendi i aksidentit:
