Një basketbolliste e ekipit kampion të Universitetit të Luizianës për kolegje humbi ndjenjat gjatë një pritjeje për të nderuar ekipin e presidentit të SHBA Joe Biden në Shtëpinë e Bardhë.
Kreu amerikan i shtetit bëri thirrje për mbështetje për sportin femeror, kur e reja e cila po qëndronte pas podiumit u rrëzua në tokë, por mori menjëherë ndihmën e parë.
“Çdo gjë është në rregull, nuk ka problem! Qëndrohet për një kohë të gjatë në këmbë, ju kërkoj falje! Ajo është mirë! Kjo ndodh shpesh herë!”
Trajnerja Kim Mulkej tha se basketbollistja nuk ka asnjë shqetësim, ndërsa bëri shaka duke shtuar se ekipi lë shenjë kudo ku shkon dhe sportistja e kishte planifikuar diçka të tillë.
Kjo vizitë solli një ulje të tensioneve mes ekipit dhe administratës, ndërsa më herë Zonja e parë Jill Biden kishte propozuar që të ftoheshin në pritje edhe nënkampionët nga Oaioua, e kjo do të sillte thyerjen e traditës.
Një nga yjet e ekipit, Enxhëll Riis, që ka një mesatare prej 23 pikësh për ndeshje, tha se ky sugjerim e kishte mërzitur, por ajo në pritjen e organizuar nga Shtëpia e Bardhë u përqafua me Zonjën e Parë dhe i dhuroi asaj një fanellë.
