Julian Agalliu, 47 vjeç, burri i një ish-oficere policie në Britani, është burgosur për shitjen e drogës të stampuar përmes markës së orëve luksoze Hublot.
Agalliu përdori një aplikacion të koduar për të shpërndarë kokainë dhe kanabis përpara se sistemi të godiste nga zbatimi i ligjit ndërkombëtar në vitin 2020. Ai mburrej para shokëve kriminelë se ishte i martuar me oficeren e policisë, Rasvinder Agalliu, 45 vjeç.
Gjykata e kurorës në Woolwich mësoi se kokaina u gjet në shtëpinë e tyre në Hadley Wood, në Londrën Veriore.
Shqiptari Agalliu u dënua me 18 vjet burg për furnizim me drogë i kryer në bashkëpunim dhe mbajtje kokaine dhe pasuri kriminale.
Gruaja e tij, një modele dhe trajnere personale, u përjashtua nga forcat Met të Londrës dhjetorin e kaluar pasi më shumë se 27,000 £ u gjetën në shtëpinë e çiftit në vitin 2020.
“Agalliu dhe McNeil-Duncan u identifikuan si përdorues të EncroChat. Ato pajisje janë përdorur për të organizuar furnizimin e sasive të mëdha të kokainës dhe kanabisit.
Ishte një sistem komunikimi i sigurt e përdorur nga kriminelët e organizuar. Ata besonin se kjo i mbante jashtë mundësive të përgjimit dhe si rezultat arrestimit nga agjencitë ligjzbatuese. Një faktor që rëndon më tej situatën është përdorimi i metodave të sofistikuara të teknologjisë për të shmangur zbulimin.”- tha prokurori William Davis.
